ZamboChat :: View Post :: <b>FAMOSO CANCIONES EN CHAVACANO de ZAMBOANGA</b>

Please log in or register.
The date and time is now November 27, 2009, 08:03:19 PM

ZamboChat :: Chavacano, El Lenguaje! :: Canciones Zamboangueño :: FAMOSO CANCIONES EN CHAVACANO de ZAMBOANGA ::
ron / nan Moderator Conversa Chavacano Posts: 85	FAMOSO CANCIONES EN CHAVACANO de ZAMBOANGA (February 7, 2008, 05:17:13 PM)
	FAMOSO CANCIONES EN CHAVACANO de ZAMBOANGA 1. Vamos a Zamboanga 2. Zamboanga Chavacano 3. Paseo de Amigos 4. Mientras que iyo ta vivi 5. Aire de Zamboanga 6. Malo Mucho Vicio 7. Canciones de maga Bata 8. Mama yo quiero 9. Canciones de patente 10. Zamboanga Hermosa 11. No te vayas de Zamboanga VAMOS A ZAMBOANGA (Intro: Vamos a Zamboanga, Vamos! Vamos,Vamos ....) Vamos a Zamboanga!. Vene aqui visita Vamos a Zamboanga! Ciudad que hende tu hay olvida Vamos a Zamboanga! Vene aqui completa Tu paseo na Zamboanga* Vene aqui kanamon y mira Coro Mucho flores de colores y bien bonita las mujeres Comida bien sabroso Diferente y especial, Y el aire limpio y sano, Maga gente bien cordial El sitio bien exotico - Maga vinta na su mar (Vamos,vamos... Vamos a Zamboanga,) Vamos a Zamboanga Vene aqui visita Vamos a Zamboanga Un diutay paraiso ay encontra Vamos a Zamboanga Vene aqui completa Tu paseo na Zamboanga Vene aqui kanamon y mira (repeat Coro then sing 1 to Ciudad que hende tu hay olvida Zamboanga no puede olvida! ZAMBOANGA CHAVACANO* El lenguaje de Zamboanga Chavacano El chavacano un poquito español Si ta conversa chavacano na pueblo Dol talla tu na Mejico El Chavacano un poquito español Refrain: Que bonito oi (4x) Si ta conversa chavacano na pueblo Dol talla tu na Mejico El chavacano Un poquito español. Tiene un gente de Manila ya anda na Zamboanga Y ya oi le el lenguaje ya estraña Cuando ya anda le na pueblo de Zamboanga pensaba le talla le na España El chavacano un poquito español (sing refrain) Poreso maga vecinos Hace grande el de aton lenguaje Porque unico y bonito oi...! Chavacano PASEO DE AMIGOS Una vez cada año pasea kita Na de aton pais Paseo de amigos, de Filipinas Llevando amor y amistad Bien mucho para mira y aprende Desde el cultura y lugar Para el maga gente man entendijan Que hermoso es de aton nacion Coro Neya pasea mientras joven pa Desde Luzon, Visayas, Mindanao Llevando el mensaje de amor y de paz Neya visita! Paseo de amigos Vale Zamboanga, vale aqui! Vene y mira el lugar Donde el maga gente hospitable Ledia tu kanila y sabe Un pueblo sincero donde el estranijero Dol no hay sale de su lugar Paseo de amigos, vene visita Zamboanga, Perla del Sur (Repiti el Coro) MIENTRAS QUE YO TA VIVI Mientras que yo ta vivi Corazon ta vibra Con amor ta senti Dentro el alma ta grita Cada dia y cada sueño Ta pensa contigo Que algun dia junto kita hay hace este realiza Tu el aire fresco Del mar el viento Tu el sol que alumbra mi vida Abre tu, tu corazon Yo este con mi amor Todo lo que tu say senti Tus sufrimientos, tus sonrisas Nunca yo hay puede deja contigo Ta pensa contigo Que algun dia junto kita hay hace este realiza Mientras yo ta vivi Tu mi amor Tu mi amor... AIRE DE ZAMBOANGA Refrain: Este el aire de Zainboanga Ta lleva, lleva contigo Vida del maga Zamboangueño Este el aire de Zamboanga Tiene un pescador talla le na su vinta Firmi le ta pesca para na su la vida Mientras el su hijo ta baña canto'e rio Con jabon, sin calzon (sing refrain) Tiene un soltero ta subi pono'e coco Ta busca le uban para lang toma tuba Favor ya prepara un monton de sunsuman cay tragon y borrachon (sing refrain) Tiene un chismosa hende ta para'l voca Hende le ta atrasa na historia del vida Si con ele hay tupa el malo noticia Bien picon y lloron (sing refrain) MALO MUCHO VICIO Malo mucho vicio Mucho enfermedad Malo mucho vicio Ta mori temprano Poreso yo gayot hende yo ta toma vino Ni hende pa yo ta fuma cigarillo Ni hende pa yo ta juga na casino Porque? porque? porque? (repeat 1st stanza) Poreso nunca yo ta tene malo vicio Cay ta pone yo na de mi pensamiento Y ta acorda yo cosa ya habla mio abuelo Ya habla le conmigo Malo mucho vicio Malo na tu cuerpo (repeat) Poreso yo gayot hende yo ta toma vino Ni hende pa yo ta fuma cigarillo Ni hende pa yo ta juga na casino Porque sabe ya yo cay (repeat 1st stanza) CANCIONES DE BATA - MEDLEY 1. Que bonito queda na monte Cay mucho que come cosa cosa clase Camanting, camote, gulay de camanse Tiene vez ta come puerco monte 2. El maga maya ta vola man dao Entre cogon y palay Na cementera donde ta vicia Mi tata y mi nana Ta pica aqui, ta pica alla Hasta el buchi ya llena Ya vola despues todo man sila Pero ya volve man otra vez hay que pillo man dao este maga maya maya, hay que pillo man dao este maga maya, maya maya! Pillo de veras sila pero siempre ta ayuda 3. (cen, cen, cen, cen, cen...) Si tiene kamo cinco cen Esconde na alcancia Si firmi kamo hay pone hay llena se algun dia (repeat) 4. Mi tata ya lleva pescao Mio nana ya hace se frito Logio come ya evos Para hende firmi chiquito Mi tata ya lleva gulay Mio nana ya hace con carne Logio come ya evos Para hende firmi chiquito (sing 2 up to * Mi alcancia lleno ya Si Logio despues gordo ya queda Pero ya volve, pero ya volve Ya queda na monte! CANCIONES DE PATENTE (EL CASA DE NIPA) MEDLEY El casa de nipa no hay man calor Cay mucho man pono alreredor Tiene yo na casa escoba Ta ayuda con mi nana Ta barre na techo cay mucho lawa Este mi diutay escoba (Dao caballo lang kame) Ta salta, ta salta, ta salta salta Con el mi diutay escoba Yo hende casa una dalaga de ciudad Porque el dalaga de ciudad ta engaña Mas bueno casa de monte Cay mucho saging y camote Para no pasa el hambre Si no hay kame camisa Tiene hojas para tapa Si no hay kame reloj Tiene kalaw ta canta Hace lang kame pacencia Para no hay kame dolencia Si volve kame Zamboanga Siempre wahoy ta busca El maldito raton ta man tica-tica Ya vene el gato libad ya hace capa (repeat) Chulla la mañana, chulla la mañana Chulla la mañana Vene maga soltero, vene maga soltero Puro borrachon Pesca un morena, Pesca un morena, Pesca un morena Casa con su novia, casa con su novia Mantene bagon Arriba del proa el don capitan Grita abante! Ya dale atras. El maquinista tambien pendejo imbes de parar, haciendo nas-nas Vamos a tomar, a tomar Vamos a beber, a beber Antes de morir, de morir Ese el natural (repeat) El casa de nipa De aircon ya Cay no hay mas man pono alreredor ZAMBOANGA HERMOSA (Himno de Zamboanga) Zamboanga hermosa preciosa perlita Orgullo de Mindanao Sus bellas dalagas son las que hermosean Tu deliciosa ciudad Flores de amores que adornan su jardin eres la imagen del beflo Eden Zamboanga hermosa preciosa perlita Orgullo de Mindanao NO TE VAVAS DE ZAMBOANGA No te vayas, no te vayas de Zamboanga Que me puedes, que me puedes olvidar No te vayas, no te vayas, no me dejes Porque sintir no puedo estar No llores paloma mia, No llores que volvere, No llores, en cuando lleque Paloma mia te escribire Con una pluma de ave Con un pedazo de papel Con la sangre de mis venas Paloma mia te escribire. (Rap) Si na Zamboanga tu hay visita bien mucho vista puede tu mira Puede tu anda na Pasonanca quita tu camisa y alli tu salta. Y si na Pueblo tu hay anda Con las bellas bonitas no pija que pija Cay si blando el de tu corazon Delicado hay cay el de tuyo calzon Si quere tu come cangrejo y locon alli na Tugbungan tiene un monton No lang olvida prepara tu cajon Si encaso hay ataca el alta presion. Si hende tu ta cree con este de amon cancion Ta ofrece kame el invitacion Pruba tu vene y man vacacion hay sabe tu hende kame pamparon. "EL GENTE SUSPECHOSO, ELE EL MUCHO HECHO"
Status: logged off